Լիբանանահայ Կիթառահար Մկրտիչ Միքայէլեանը Պիտի Մասնակցի Տէյր Քամարի Փառատօներուն

Յուլիս 15-էն սեպտեմբեր 10 Տէյր Քամարի մէջ տեղի ունենալիք փառատօներուն շարքին 13 ձեռնարկներուն մաս կը կազմէ լիբանանահայ կիթառահար Մկրտիչ Միքայէլեանը: Այս առիթով «Ազդակ» մտերմիկ զրոյց մը ունեցաւ արուեստագէտին հետ, որպէսզի մանրամասնէ փառատօնին իր ներկայացումին մասին:

Megerdich-Mikayelian_72217

Միքայէլեան նշեց, որ իր ներկայացուցած երգացանկը կը բաղկանայ շուրջ մէկուկէս ժամ տեւող 14 խանդավառ երաժշտական կտորներէ, որոնք կը պատկանին սպանական, գնչուական, հայկական եւ արեւելեան մշակումներու: Ան նշեց, որ կարգ մը երգեր իր թարգմանութիւններն ու մշակումներն են, բացատրելով, որ երգին մէջ թարգմանութիւն` կը նշանակէ, երբ երաժշտական գործիքի մը համար մշակուած երաժշտութիւնը կը մշակուի այլ երաժշտական գործիքի մը համար, այս պարագային` կիթառի: Մկրտիչ Միքայէլեանը իր այս մշակումները եւ այլ մշակումներ «Էմիր Եուսեֆ» պալատին մէջ պիտի հնչեցնէ` ընկերակցութեամբ 2 սրինգի, 1 շուիի, 1 հարմոնիքայի, 1 սաքսոփողի, 2 դաշնամուրի, 3 այլ կիթառներու եւ հարուածային գործիքներու:

«Փառատօնը ձրի է բոլորին համար, հետեւաբար առիթ կու տայ ինծի աւելի մեծ հանրութեան ներկայանալու` որպէս լիբանանահայ երաժիշտ ու ներկայացնելու հայկական թէ օտար երաժշտութիւն: Բացի անկէ, որ Տէյր Քամարի փառատօները ունին իրենց արուեստագիտական կարեւորութիւնը, այս փառատօնին կարեւորութիւնը կը կայանայ նաեւ այլ բանի մը մէջ», նշեց Միքայէլեան` յայտնելով, որ` «յստակ ջանք մը կայ Տէյր Քամարի փառատօներու կազմակերպիչներուն կողմէ` հայ գաղութին հասանելի ըլլալու կողմէ` որուն պատճառով այս համերգիս համար անվճար փոխադրամիջոց տրամադրուած է Պուրճ Համուտէն Տէյր Քամար, ներառեալ` Տէյր Քամարի տեսարժան վայրերու շրջապտոյտ»:

Նշենք, որ Մկտրիչ Միքայէլեանը ներկայիս կը դասաւանդէ Լիբանանի պետական երաժշտանոցին, Համազգայինի «Բարսեղ Կանաչեան» երաժշտանոցին, Անթունիէ համալսարանին եւ Մեծի Տանն Կիլիկիոյ կաթողիկոսութեան դպրեվանքին մէջ: Ան «Բարսեղ Կանաչեան» երաժշտական քոլեճին դասական կիթառի բաժինի համակարգողն է, ինչպէս նաեւ` հիմնադիրը, գեղարուեստական ղեկավարն ու  երաժշտապետը «Տաւիղ» նուագախումբին: Ան հեղինակն է Pieces From The Armenian Liturgy And Armenian Songs գիրքին (Անթիլիաս, 2002), որ կը բովանդակէ կիթառի համար գրուած հայկական պատարագէ կտորներ ու շարք մը հայկական երգեր: Միքայէլեան բազմաթիւ ելոյթներ ունեցած է` Լիբանան, Սուրիա, Հայաստան, Քանատա, Շուէտ եւ այլ երկիրներ, իսկ Բարսեղ Կանաչեանի «Օրօր»-ին անոր կիթառի մշակումը 2016 թուականին լոյս տեսած է: Դասական կիթառի շուէտական ականաւոր «ԿիթարրՕխԼութա» ամսաթերթին մէջ:

Մկրտիչ Միքայլեան Տէյր Քամարի փառատօններուն պիտի ներկայանայ յուլիս 30-ին ժամը 21:00-ին: Անվճար փոխադրամիջոց տրամադրուած է բոլորին համար Պուրճ Համուտի «Վուտըն պէյքըրի»-ին առջեւէն, յետմիջօրէի ժամը 4:00-ին: Հրաւէրը բոլորին է:

 

Յօդուածը առաջին անգամ լոյս տեսած է Ազդակ, Յուլիս 22, 2017-ին

Advertisements

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Google+ photo

You are commenting using your Google+ account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s