white noise

Կարծես սառնարանին մեքենան կեցաւ, բայց ես երգը ինչ աղուոր է, համակարգիչն ալ մէկ ժամէն պիտի մարի, ելեկտրականութիւնն ալ կ՚երթայ կու գայ կոր, թէեւ քիչ մը անդին ձիւն է, հաւանաբար, վստահ չեմ, կ՚ենթադրեմ ձիւն է եւ ճերմակը ծածկած է բոլոր գոյները, յետոյ բոլոր գոյները ճերմակի վրայ գալով նոր գոյներ ըրեր են, բազմերանգ, քանի որ միագոյն բան չկայ, որքան ալ ըսես ես կանաչ եմ կամ ես ձուկ չեմ, մենք բոլորս գիտենք որ դուն կանաչ չես, (քիչ մըն ալ ձուկ ես բայց հաւը չի գիտեր որ ինքը կուտ չէ), բայց գոյնը իշթէ ձիւնին ճերմակին տակ կը խառնուի կոր, կ՚ըսեն կոր որ բոլոր գոյներուն խառնուրդը ճերմակ կու տայ կոր եղեր, բայց ես չեմ կարծեր այդ տեսակ բան մը կայ, մէմնալ կ՚ըսեն կոր որ գոյները իրար խառնելով նոր գոյներ մէջտեղ կու գայ, բայց ես միայն գիտեմ, որ առտուան դէմ կարմիր ներկուած սրճագոյն սաւանը քերթելով կը մաքրուի կամ Շահնուր քերթելով՝ Պէյրութի հին շէնքերէն մէկուն մէջ, բայց բնաւ միտքիս մէջ չկար նահանջել ու ամէն օր կը նահանջենք կոր, այս տարի ալ՝ նահանջ տարի, մէկ օր աւելի բան մը չընելու, կորսուած իրերը գտնելու, ամէն կորսուած բան կը գտնուի, բայց ամէն մոռցուած բան չի գտնուիր, ամէն ետին ձգուած բան ալ մոռցուած չէ, ըսին պիտի չանձրեւէ ես ալ հովանոցս տունը ձգեցի իջայ, հազիւ ֆէլէֆըլ սահիուն հասայ անձրեւը կոխեց, է տեսա՞ր մը որ չէի մոռցած, այլ ետեւ ձգեր էի, բայց ինչու սուտ խօսիմ, ընկալուչներս մոռցեր էի, բնաւ չկրցայ երաժշտութիւն լսել լման ատենը, բայց եանի մտիկ ըրածս ալ white noise է, այս գրութեան պէս…

Advertisements

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Google+ photo

You are commenting using your Google+ account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s