the artist is here…

Ձայնիդ ելեւէջները զիս ուրիշ աշխարհ փոխադրեցին այսօր, մանաւանդ երբ դրանդ առջեւէն ներս հրաւիրեցիր այն երկու կիները, որոնք եկած էին քեզի հետ հանդիպելու ու ամօթխած քայլերով քովդ մտան՝ իրենց խմիչքները ձեռքերնին։ Ու նկատեցի, որ ադամախնձորդ շատ աւելի ցցուն էր քան երբեք երբ կլլեցիր թուքդ ու աչքերդ պզտիկցան ժպիտիդ հետ այն ժամանակ երբ անոնց ցոյց տուիր քու ձեռքովդ սարքուած աթոռակները, որպէսզի նստին, մինչեւ մենք վերջացնենք մեր խօսակցութիւնը։

Ժպիտդ ինքնին ուրիշ պլոկբոսդ կ՚ուզէ, մանաւանդ երբ նոր վերադարձած ըլլամ քովէդ, ձեր քովէն, ու իր ազդեցութեամբ կը խանգարէ խորհրդածութեան պահերս, որուն ընթացքին ծալապատիկ նստած՝ ժպիտդ կ՚երեւակայեմ։

Աչքերուդ բիբը աւելի մեծ էր այսօր ու արտաշնչումիդ չէր ընկերանար խմիչքդ ու խօսքերէդ ետք չէիր խնդար քու սովորական խնդուքովդ, որ ամբողջովին կը քօղարկէր բառերուդ ծանրութիւնը։ Ծանր են քու բառերդ ընդհանրապէս ու շատ բարձր կը հնչեն ականջիս մէջ, մանաւանդ երբ գաւաթին սառոյցներուն իրար զարնուելուն հետ կը մրցին ու դիմացինը կը շուարեցնեն թէ որմէկուն մտիկ ընէ՝ քեզի թէ գաւաթիդ սառոյցներուն։ Բայց այսօր տարբեր էր իմ կողմս արձակուած ձայնդ ու ձայնալարերդ ականջս չցաւցուցին ու մեղմ էին ու ուրիշ աշխարհ փոխադրեցին ու ես շատ սիրեցի այն ձայնը, որ դրանդ առջեւ կանգանծ երկու կիները ներս հրաւիրեց ու ինծի դառնալով ժպտեցաւ՝ կամ ինչպէս ինծի կը թուէր…

ժպիտդ ուրիշ պլոկբոսդ կ՚ուզէ…

Advertisements

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Google+ photo

You are commenting using your Google+ account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s