#yerteveg

Երթեւեկ

Համակարգիչը բացաւ եւ մատները զետեղեց ստեղնաշարին վրայ։

[«على فكرة، your fingers كتير حلوين» (ի միջի այլոց, մատներդ շատ անուշիկ են)։]

Անգամ մը տասը մատներուն նայեցաւ։ Ժպտաց։ Անգիտակցաբար բութամատները շարժեց եւ վերյիշեց այն ժամանակները երբ կը պահէր բութերը բռունցքին մէջ, որպէսզի պահէր անոնց կոշտ ձեւը։

[«إيه بس بعدين تعلمت حبّون» (այո, բայց յետոյ սորվեցայ սիրել զիրենք)]

Յետոյ սփռեց մատները ստեղնաշարին վրայ, որուն հետեւանքով ինքնաբերաբար քանի մը տառ գրուեցաւ համակարգիչին պաստառին վրայ։ Նայեցաւ պաստառին։ Ջնջեց գրութիւնը։ Մէկ կողմ դրաւ համակարգիչը եւ վերցուց հեռախօսը եւ ցուցամատովը կարճ նամակ մը գրեց…

View original post

Համակրանք [Affection]

Գիտեմ, կ՚ըսես, որ գձուձի կը վերածուիմ երբ կը խմեմ,
Բայց նորէն ալ երբեմն շատ քաղցր կ՚ըլլամ,
Ուրեմն ի՛նչ իմաստ ունի եթէ քեզի ըսեմ գնա՛քունուիր,
Կամ եթէ ըսեմ գեղեցիկ ես ինծի համար

Համակրանք է միշտ,
Օր մը պիտի տեսնես,
Ուշադրութիւնս քու հանդէպդ,
Թէկուզ քու փնտռածդ չըլլայ,

Երբեմն ամբողջ գիշեր կը խօսինք, չենք լռեր,
Եւ երբ ուշ ըլլայ ժամը, պիտի ըսենք տակաւին արթուն ենք, ուրեմն…
Կը սիրենք խօսիլ ինծի տալիք այցելութիւններուդ մասին,
Եւ թէ ինքնաշարժ պիտի վարձենք եւ դէպի հիւսիս քշենք

Համակրանք է միշտ,
Օր մը պիտի տեսնես,
Ուշադրութիւնս քու հանդէպդ,
Թէկուզ քու փնտռածդ չըլլայ,

Քու մասիդ կը մտածեմ,
կ՚ուզեմ, որ դուն ալ,
Քեզի կը սիրահարիմ

Միշտ համակրանք է…

երգ՝ Cigarrettes After Sex
http://lyricstranslate.com/en/affection-համակրանք.html

Հայապահպանում եւ այլն

“Even “to preserve” includes a negative element, namely, that something is removed from its immediacy and so from an existence which is open to external influences, in order to preserve it.” Hegel

Հայապահպանման փորձերը շատ են։ Փորձերէն քանի մը հատը ծայրայեղ, քանի մը հատը ծիծաղելի, քանի մը հատը անօգուտ, քանի մը հատը ժամանակավրէպ։ Հայապահպանման համար կանգ կ՚առնեն բոլոր աշխարհիկ կենցաղները։ Հոս կը ծնին միայն համազգի տարրեր։ Միայն մէկ նպատակ։ Միայն երկու տեսակներ կ՚եւրեւին մեր առջեւ՝ մենք եւ անոնք։ Մենք՝ ներս։ Անոնք՝ դուրս։ Կը պահպանենք մենք մեր գոյութիւնը անոնց հանդէպ։ Մենք ներս ենք եւ կը գործադրենք հայապահպանում, թէեւ պէտք չունինք, քանի որ մենք ներս ենք։ Անոնք դուրսն են, բայց չեն գործադրեր հայապահպանում, բայց անոնց համար ստեղծուած բան մըն է։ Ուրեմն ներսինը ներս կը մնայ, հայապահպանուած, դուրսինն ալ դուրս։ Բայց հայապահպանումը անոնց համար է։ Անոնք հեռու ըլլալով հայապահպանումէ, ոչ մէկ ձեւով չեն օգտուիր հայապահպանումէն։ Մենք արդէն իսկ ներսն ենք։

Եւ այլն…

 

Համազգայինի «Գասպար Իփէկեան» Թատերախումը Պիտի Մեծարէ Մանուէլ Մարգարեանն Ու Մարի-Ռոզ Մանուկեանը

Մեր իրականութեան մէջ քիչ կը պատահի, որ արժանաւորներ պարգեւատրուին իրենց կենդանութեան: Հայկական սփիւռքի մէջ իւրաքանչիւր ջանք, որ ի գործ կը դրուի պահելու հայ մշակոյթը, արժանի է գնահատանքի: Թէեւ ազգի մը գոյատեւումը բնական ընթացք մը պէտք է ըլլայ, սակայն հայ ազգի պարագային, նկատի ունենալով Ցեղասպանութեան հետեւանքն ու անկէ ետք արհեստագիտութեան ազդեցութիւնը, հայօրէն գոյատեւելը գիտակից աշխատանքի կը կարօտի: Այս գիտակից աշխատանքին, ի շարս շատերու, իրենց ներդրումը ունեցած են լիբանանահայ բեմի վաստակաւոր դերասաններէն Մանուէլ Մարգարեանն ու Մարի-Ռոզ Մանուկեանը: Այս իմաստով Համազգայինի «Գասպար Իփէկեան» թատերախումբը, առաջին անգամ ըլլալով, պիտի մեծարէ զանոնք Պուրճ Համուտի «Յակոբ Տէր Մելքոնեան» թատերասրահին բեմին վրայ, որուն տախտակամածը լաւագոյնս կը վկայէ Մարգարեանին ու Մանուկեանին ոտնահետքերը:

Շարունակել կարդալ

«Երեք Շաբաթ Երեւանի Մէջ»-ը Լիբանանի Հանդիսատեսը Կը Փոխադրէ Երեւան

Արմէնն ու Րաֆֆին «Երեք շաբաթ Երեւանի մէջ» «ապրելէ» ետք Վահիկ Փիրհամզէի, Վահէ Պէրպէրեանի եւ ժապաւէնի արտադրիչներէն Վիգէն Պայրամեանին հետ կը հասնին սփիւռքահայու մայրաքաղաքներէն` Լիբանան, որպէսզի մէկուկէս ժամուան տեւողութեամբ, լիբանանահայը տանին «իրենց Երեւան»-ը: Այս կեցութեան ընթացքին անոնց հետ կը հանդիպինք «Ազդակ»-ի մէջ, որպէսզի մուտք գործենք «իրենց Երեւանի» դռներէն ներս ու ժապաւէնին նայինք եռատարած միջոցով:

Շարունակել կարդալ

Սփիւռքահայ Երաժիշտ Պէյ Ռուն Պէյրութի Մէջ

Սփիւռքահայ երիտասարդ երաժիշտ Պէյ Ռուն իր հայկական, Միջինարեւելեան եւ Արեւմտեան խառնուրդով ստեղծագործած եւ երբեմն ալ վերամշակած երաժշտութիւններով եւ մեղեդիներով պիտի ներկայանայ «ՊԷյրութ եւ աւելին» փառատօնին ընթացքին, շաբաթ դեկտեմբեր 10-ին «Սթէյշն»-ի մէջ: Այս առիթով կարճ զրոյց մը ունեցանք Պէյ Ռուին հետ` մօտէն ծանօթանալու համար անոր գործին:

bei-ru_120916

Շարունակել կարդալ

«Հին Ատեն Գծուածները Տակաւին Գոյութիւն Ունին, Բայց Անցեալէն Կու Գան, Երէկն Ալ Մէջն Է, Այսօրն Ալ Մէջն Է» «Ազդակ»-ին Կ՛ըսէ Զոհրապ

Զոհրապ` գեղանկարչութեան արուեստի մէջ իր իւրայատուկ տեղը ունեցող մարդը, արուեստագէտն ու հանճարը, այս տարուան իր երկրորդ ցուցահանդէսը կ՛ունենայ «Էկզոտ» ցուցասրահին մէջ, Էշրեֆիէ, «Աքքաուի» վայրէջքին վրայ:

Կը մտնեմ ցուցասրահ: Ընդունարանին մէջ կլոր սեղանի մը շուրջ նստած է Զոհրապ եւ բաներ մը կը ստուերագծէ թուղթի կտորի մը վրայ: Իրարու ձեռք կը սեղմենք: Ան զիս կը հրաւիրէ իր կողքը` զրուցելու: «Նախ պէտք է նկարներուն նայիմ, պարո՛ն Զոհրապ», կ՛ըսեմ ու կ՛անցնիմ ցուցասրահին խորքը:

«Երէկուան օրը» (Եսթրտէյ) խորագիրով ցուցահանդէսը կ՛ընդգրկէ Զոհրապին 38 գործերը:

img_1816 Շարունակել կարդալ